करंजीवणे येथे २०३ जणांचे लसीकरण ; प्राथमिक आरोग्य केंद्र व ग्रामपंचायतच्या वतीने आयोजन : मास्क सॉनिटायझर व स्वच्छेतेसाठी प्रबोधन

मुरगुड प्रतिनिधी :

कागल तालुक्यातील प्राथमिक आरोग्य केंद्र व ग्रामपंचायत करंजिवणे यांच्या संयुक्त उपक्रमातून गावामध्ये शिस्तबद्ध पद्धतीने सुमारे २०३ लोकांचे लसीकरण शांततेत पार पडले.

  नागरिकांनी लसीकरणासाठी गर्दी केली होती पण योग्य नियोजनामुळे सर्वांनाच या लसीकरणाचा लाभ घेता आला. यावेळी महिलांची संख्याही लक्षणिय होती .

  लसीकरणाच्या ठिकाणी येणाऱ्याना लसीचे वितरण करण्यापूर्वी प्रथम नागरिकांना सॅनिटायझर, मास्क, स्वच्छता आधी नियमांचे पालन करत त्यांना टोकन दिली त्यानंतर त्यांना क्रमाने बसवून घेऊन ज्येष्ठ नागरिक व पंचेचाळीस वर्षाच्या वरील पुरुष व स्त्री असे योग्य नियोजन करून गर्दी न करता त्यांची तपासणी करून लसीकरणासाठी पाठवले जात होते लसीकरण घेतलेल्या नागरिकांना कोणताही उलट त्रास होऊ नये त्यासाठी त्यांना अर्धा तास एका खोलीत बसून घेतले जात होते त्यानंतर त्यांना गोळ्या देऊन घरीच राहण्याचा सल्ला दिला जात होता अतिशय योग्य व चांगले नियोजन करून ग्रामस्थ लसीकरणासाठी आलेल्या सर्व नागरिकांना चांगल्या प्रकारची सेवा देण्याचे कार्य करंजीवणे येतील ग्रामपंचायत पदाधिकाऱ्यांनी व पोलीस पाटील सौ सविता पोवार यांनी केल्याने त्यांचे कौतुक होत आहे .या लसीकरणावेळी आरोग्य विभागाच्या सौ पुनम पाटील, पोलीस पाटील सौ सविता पोवार, सरपंच दगडू शेठके, उपसरपंच वंदना पोवार, संजय ऑग्रे, कृष्णा वांद्रे, उत्तम बैलकर , नामदेव म्हसवेकर,सर्व आशा वर्कर्स व सर्व आंगणवाडी सेविका मदतनिस ग्राम पंचायत कर्मचारी यांच्या सहकार्याने अत्यंत शिस्तबद्द पध्दतीने लसीकरण मोहीम यशस्वीपणे पार पडली