गारगोटी प्रतिनिधी : 

शेणगांव ता. भुदरगड गावच्या उपसरपंचपदी दिनकर शंकर कदम यांची बिनविरोध निवड करण्यात आली. रोटेशन पद्धतीनुसार मनीषा विनायक गुरव यांनी उपसरपंच पदाचा राजीनामा दिल्यानंतर हे पद रिक्त झाले होते. आज उपसरपंच पदासाठी घेतलेल्या निवड बैठकीमध्ये उपस्थित सदस्यांच्या सर्वानुमते या पदाची माळ दिनकर कदम यांच्या गळ्यात टाकण्यात आली. या पदावर सर्वसामान्य कुटुंबातील युवकाची निवड केल्याबद्दल सर्वच स्तरातून ग्रामपंचायत शेणगांव,  सरपंच व सर्व सदस्यांचे कौतुक होत आहे.

उपसरपंच निवडीनंतर गावातील ज्येष्ठ नागरिक बाळासो (भाऊ) चोडणकर यांच्या हस्ते दिनकर कदम यांचा फेटा बांधून, शाल देऊन व पुष्हापर घालून सत्कार करण्यात आला. निवडीवेळी शेणगांव गावचे लोकनियुक्त सरपंच सुरेश नाईक, गावातील प्रतिष्ठित नागरिक नामदेव भालदार, ग्रामपंचायत सदस्या शिल्पा तेली, भारती सणगर, मंगल कांबळे, सदस्य संग्राम कांबळे, ग्रामसेवक संभाजी खाडे आदी मंडळी उपस्थित होती.