कोल्हापूर : स्वाभिमानी शेतकरी संघटनेकडून सकाळी 11 वाजल्यापासून बेमुदत रास्ता रोको आंदोलन सुरू ; राष्ट्रीय महामार्ग तब्बल सात तास बंदच

ऊस दरासाठी आज गुरुवारी (23 नोव्हेंबर) शिरोली पुलावर पुणे – बेंगलोर राष्ट्रीय महामार्गावर स्वाभिमानी शेतकरी संघटनेकडून सकाळी 11 वाजल्यापासून बेमुदत “रास्ता रोको आंदोलन” सुरू असुन ऊस दराचा अजूनही तोडगा न निघाल्याने राष्ट्रीय महामार्ग तब्बल सात तास बंदच राहिला आहे.

शेतकऱ्यांना तोंडाला पाणी पुसण्यासाठी आणि ऊस दरप्रश्नी सुरू असलेले आंदोलन चिघळणाऱ्या सूत्रदारांना गुडघे टेकायला लावू असा इशारा स्वाभिमानी शेतकरी संघटनेचे संस्थापक अध्यक्ष राजू शेट्टी यांनी सोमवारी पत्रकार परिषदेत दिला होता.आज गुरुवारी शिरोली नाका येथे शेतकऱ्यांनी महामार्ग रोखून थरला असून अजूनही कार्यकर्ते रस्त्यावर ठिय्या मांडून बसले आहेत. कोल्हापूर पोलीस प्रशासनाकडून याठिकाणी चोख बंदोबस्त ठेवण्यात आला आहे.