मुरगुड उपनगराध्यक्षपदी रेखाताई आनंदा मांगले यांची बिनविरोध निवड
मुरगुड प्रतिनिधी : विजय मोरबाळे
मुरगुड नगरपरिषदेच्या उपनगराध्यक्षपदी सौ रेखाताई आनंदा मांगले यांची बिनविरोध निवड करणेत आली.सौ.हेमलता भगवान लोकरे यांनी उपनगराध्यक्ष पदाचा राजीनामा दिल्याने रिक्त झालेल्या पदाची निवड करणेसाठी मा. जिल्हाधिकारी, कोल्हापूर यांचे आदेशान्वये आज गुरुवार दि. १५/०४/२०२१ रोजी पिठासीन अधिकारी मा. राजेखान जमादार यांचे अध्यक्षतेखाली नुतन उपनगराध्यक्ष निवड पार पडली . रिक्त पदासाठी नगरसेविका सौ. रेखाताई आनंदा मांगले यांचा एकमेव अर्ज आल्याने या पदाची निवड बिनविरोध करणेत आली. सौ. मांगले यांच्या अर्जासाठी सुचक म्हणून संदीप बाबुराव कलकुटकी व अनुमोदक म्हणून सौ हेमलता भगवान लोकरे हे होते. कोरोना रोगाच्या पार्श्वभुमीवर व्हिडीओ कॉन्फरन्स द्वारे विशेष सभा आयोजित करणेत आली होती. उपनगराध्यक्ष पदासाठी एकमेव अर्ज आल्याने पिठासीन अधिकारी श्री राजेखान जमादार यांनी सौ. रेखाताई मांगले यांची बिनविरोध निवड केली. या निवडी प्रसंगी नुतन उपनगराध्यक्ष यांनी खासदार संजयदादा मंडलिक, मा. विरेंद्रसिंह मंडलिक, नगराध्यक्ष राजेखान जमादार व सर्व सहका-यांनी माझ्यावर जी जबाबदारी टाकली आहे त्या विश्वासास पात्र राहुन मुरगूड शहराच्या विकासासाठी, आरोग्यासाठी प्रयत्न करण्याची ग्वाही दिली. यावेळी ऑनलाईन पध्दतीने मा. नगराध्यक्ष, श्री. जयसिंग भोसले, मावळत्या उपनगराध्यक्षा सौ. हेमलता लोकरे यांनी मनोगते व्यक्त केली. या सभेसाठी सर्व नगरसेवक, नगरसेविका ऑनलाईन उपस्थित होते. या निवडीचे प्रशासकीय कामकाज मुख्याधिकारी संजय गायकवाड, कार्यालय अधिक्षका स्नेहल पाटील, लेखापाल यांनी कामकाज पाहिले.
