मुरगुड कला,क्रीडा ,सांस्कृतिक मंडळाच्यावतीने महात्मा गांधी व लालबहादूर शास्त्री जयंती निमित्त रुग्णांना फळे वाटप
मुरगूड प्रतिनिधी : विजय मोरबाळे
मुरगुड कला,क्रीडा ,सांस्कृतिक मंडळ मुरगुड यांच्यावतीने महात्मा गांधी व लालबहादूर शास्त्री यांच्या जयंती निमित्त ग्रामीण रुग्णालय मुरगुड येथे फळे वाटप तसेच शिवाजी विद्यामंदिर शाळा नंबर २ येथील विद्यार्थ्यांना शालेय साहित्य व खाऊ वाटप करण्यात आले.
मुरगुड ता .कागल येथील मुरगुड कला ,क्रीडा ,सांस्कृतिक मंडळ यांच्यावतीने महात्मा गांधी यांच्या जयंतीचे औचित्य साधून स्वच्छता मोहीम व रूग्णाना फळे वाटप असा संयुक्त कार्यक्रम पार पडला. मुरगुड येथील मधुकर आबाजी कुंभार व शालेय वाटप संस्थेचे सेक्रेटरी दत्तात्रय शिंदे यांच्या हस्ते रूग्णांना फळे तसेच विद्यार्थ्यांना शालेय साहित्य तसेच खाऊ वाटप करण्यात आले.
यावेळी हसन शिकलगार, युवराज सूर्यवंशी , ग्रामीण रुग्णालयाचे डॉ. मोरे ,सुनील शेलार ,शिवाजी विद्या मंदिर शालेय समितीचे अध्यक्ष विजय मेंडके ,पांडुरंग मगदूम हे उपस्थित होते. स्वागत मकरंद कोळी यांनी केले तर आभार युवराज सूर्यवंशी यांनी मांडले.
