आजरा : किणेतील गुडुळकर यांच्या कुटुंबाला पालकमंत्री दीपक केसरकर यांच्या मार्फत तातडीची मदत

आजरा प्रतिनिधी/पुंडलिक सुतार

किणे ता.आजरा येथील सौ सुनीता अर्जुन गुडूळकर वय 45 वर्ष या महिलेच्या अंगावर राहत्या घराची भिंत गुरुवारी सकाळी 7 च्या दरम्यान पडली त्यांना उपचारासाठी नेसरी येथे नेण्यात येत असताना वाटेतच त्यांचा मृत्यू झाला या घटनेने पंचक्रोशीत हळहळ व्यक्त होती दरम्यान घटनास्थळी लोकांची गर्दी झाली होती या दुर्घटनेत पती अर्जुन गुडुळकर व वत्सला परसु गुडुळकर हेही जखमी झाले.

अधिक माहिती अशी की ; सौ सुनीता या सकाळी गोठ्यामध्ये जात असताना अचानक मातीची भिंत चिऱ्याच्या भिंतीवर कोसळून चिऱ्याच्या भिंतीखाली सदर महिला दबली व गंभीर जखमी झाली उपचारासाठी नेत असताना वाटेतच त्यांचा मृत्यू झाला.

घटनास्थळी भेट देऊन तहसीलदार समीर माने ,निवासी नायब तहसीलदार म्हाळसाकांत देसाई,आजरा मंडळ अधिकारी जी बी पाटील ,बी डी ओ दाजी दाइंगडे,सपोनी सुनील हरुगडे व इतर अधिकाऱ्यांनी परिस्थितीची माहिती घेतली दरम्यान आज सायंकाळी मयत सौ सुनीता अर्जुन गुडूळकर यांच्या कुटुंबाला पालकमंत्री दीपक केसरकर यांनी आपले विशेष कार्यकारी अधिकारी अमित कामत यांच्या मार्फत तातडीची मदत दिली.

तसेच यावेळी शिवसेना जिल्हाप्रमुख राजेखान जमादार यांनी पालकमंत्री दीपक केसरकर यांनी प्रशासनाला सदर कुटुंबाला शासनाकडून मिळणाऱ्या मदतीसाठी तात्काळ प्रस्ताव पाठवावेत अशी सूचना तहसीलदार व प्रशासनाला दिल्याचे सांगितले.

यावेळी माजी सभापती मसनू सुतार,जयवंत सुतार,तहसीलदार समीर माने,बी डी ओ दाजी दाइंगडे,निवासी नायब तहसीलदार म्हाळसाकांत देसाई,तलाठी प्रवीण परीट, ग्रामसेविका कविता कोकितकर, शिवसेना महिला आघाडी तालुका प्रमुख मंगल तिबिले, शिवसेना जिल्हा उप प्रमुख संजय पाटील,कोतवाल दीपक गोंधळी,पोलीस पाटील दत्तात्रय गुरव,सरपंच सौ सुनंदा सुतार,उपसरपंच विजय केसरकर,सदस्य एकनाथ बामणे, सर्व सदस्य,माजी सरपंच सुरेश गिलबीले,सखाराम केसरकर,तंटामुक्त चे अरुण पाटील व इतर उपस्थित होते.

सदर कुटुंबाला सर्व अधिकारी यांनी भेटी दिल्या मात्र प्रांताधिकारी यांनी दुर्लक्ष केल्याचे उपस्थित लोकांकडून ऐकायला मिळाले. या कुटुंबाला तात्काळ शासनाने मदत करावी अशी मागणीही उपस्थित लोकांकडून होत होती.