स्वातंत्र्यासाठी आहुती देणाऱ्या स्वातंत्र्यवीरांच्या कार्यकर्तृत्वाचा आदर्श तरुणांनी समजावून घ्यावा : साहित्यिक संजय खोचारे

बिद्री प्रतिनिधी  :

आपल्या प्राणाची तमा न बाळगता आपल्या संसारावर तुळशीपत्र ठेवून देश स्वातंत्र्यासाठी आहुती देणाऱ्या स्वातंत्र्यवीरांच्या कार्यकर्तृत्वाचा आदर्श डोळ्यासमोर ठेवून जीवन जगण्याची लढाई तरुणांनी समजावून घेणे आवश्यक आहे ; असे प्रतिपादन साहित्यिक संजय खोचारे यांनी केले.
बोरवडे विद्यालय बोरवडे (ता. कागल) या विद्यालयात आयोजित केलेल्या क्रांती दिनानिमित्त ते बोलत होते. अध्यक्षस्थानी संस्थेचे सचिव साताप्पा साठे होते. अन्नपूर्णा साखर कारखान्याचे संचालक आनंदराव साठे, राष्ट्रीय क्रीडा समालोचक सुनील घोडके, बाळासाहेब वारके प्रमुख उपस्थित होते.