मुरगूड : संत गाडगेबाबा पुण्यदिनानिमित्य वनश्री रोपवाटिकेतर्फे विविध कार्यक्रमाचे आयोजन
मुरगूड प्रतिनिधी : विजय मोरबाळे
मुरगूड ता . कागल येथील वृक्षमित्र प्रविण सुर्यवंशी यांच्या वनश्री मोफत रोपवारीकेच्या माध्यमातून २००४ पासून संत गाडगेबाबा पुण्यतिथीनिमित्य विविध उपक्रम राबविले जातात .
या उपक्रमाचे हे २० वे वर्ष असून प्रतिवर्षाप्रमाणे या वर्षी ही गाडगेबाबा पुण्यतिथीनिमित्य संत गाडगेबाबा प्रतिमापूजन , व झुणका भाकर प्रसाद वाटप आणि श्रमिक कष्टकरी उपेक्षितांचे सत्कार , निराधार निराश्रीतानां ब्लँकेट वाटप व निष्काम कर्मयोगी गाडगेबाबा आचार , विचार आणि आजची वर्तमान स्थिती या विषयावर मा .कॉ. संपत देसाई ( आजरा ) यांचे व्याख्यानाचे आयोजन केले आहे.
या कार्यक्रमाचे अध्यक्षस्थान विजयमाला मंडलिक गर्ल स्कूलच्या मुख्याध्यापिका श्रीमती सुषमा पाटील या भुषविणार असून या कार्यक्रमास प्रमुख पाहुणे म्हणून प्रा . आनंद चव्हाण गारगोटी व राष्ट्रपती पुरस्कार प्राप्त मा.ग . गुरव हे लाभले आहेत .
तर मुरगूडचे माजी नगराध्यक्ष नामदेवराव मेंडके, कापड उद्योजक दामोदर वागवेकर , हाजी बाळासाहेब मकानदार, माजी नगरसेवक सुहास खराडे, सामाजिक कार्यकर्ते सुनील कोले , कार्यवाह आण्णासो थोरवत, व्यापारी पत संस्था चेअरमन किरण गवाणकर, ज्येष्ठ नागरिक संघटनेचे तुकाराम भारमल , लाडू सप्लायर्स राजाराम चव्हाण , युवा उद्योजक मयूर आंगज , न्यू इंग्लिश मीडियम स्कूलच्या मुख्याध्यापिका सौ सविता पोवार व लिटल मास्टर गुरुकुलमच्या मुख्याध्यापिका सुमन अनावकर यांची प्रमुख उपस्थितीत लाभणार आहे .
हा संयुक्त कार्यक्रम रविवार दि .२४ / १२ / २०२३ रोजी ११ वाजता वनश्री रोपवाटीका ( वाडेकर वसाहत ) येथे संपन्न होणार असून , सर्वांनी या कार्यक्रमाचा व प्रसादाचा लाभ घ्यावा असे आवाहन “झाडमाया ” मित्रपरिवारातर्फे करण्यात आले आहे .
