ताज्या बातम्यामहाराष्ट्र
गाेव्‍यात काँग्रेस, तृणमलबराेबर चर्चा सुरु, उ. प्रदेशमध्‍ये राष्‍ट्रवादी-सपा एकत्र निवडणूक लढवणार : शरद पवार
NIKAL WEB TEAM :
पाच पैकी तीन राज्‍यांमधील विधानसभा निवडणुका राष्‍ट्रवादी काँग्रेस लढवणार आहे. गोवामध्‍ये परिवर्तनाची गरज आहे. येथील भाजप सरकार हटविण्‍याची आवश्‍यकता आहे. गोव्‍यात आमची तृणमूल आणि काँग्रेसबरोबर चर्चा सुरु आहे, अशी माहिती राष्‍ट्रवादी काँग्रेसचे अध्‍यक्ष शरद पवार यांनी आज माध्‍यमांशी बाेलताना दिली.
उत्तर प्रदेशमध्‍ये परिवर्तन होणार
पाच राज्‍यांपैकी उत्तर प्रदेश, गोवा आणि मणिपूर विधानसभा निवडणूक राष्‍ट्रवादी काँग्रेस लढविणार आहे. उत्तर प्रदेशमधील लोकांना बदल हवा आहे. त्‍यामुळे आगामी विधानसभा निवडणुकीत उत्तर प्रदेश राज्‍यात परिवर्तन होईल,असा विश्‍वासही शरद पवार यांनी व्‍यक्‍त केला. उत्तर प्रदेशमध्‍ये सध्‍या बदलाची हवा आहे. त्‍यामुळे आतापासूनच भाजपचे आमदार पक्ष सोडत आहेत. आणखी १३ आमदार भाजपला सोडणार आहेत, असा दावाही त्‍यांनी यावेळी केला.
