आजरा : वाटंगी येथील माऊली सोंगी भजनी मंडळाने पटकावला तृतीय क्रमांक

आजरा प्रतिनिधी/पुंडलिक सुतार

छ.शिवाजी चौक , कोल्हापूर येथे शारदिय नवरात्र उत्सवा निमित्त घेण्यात आलेल्या भव्य सोंगी भजन स्पर्धेत माऊली सोंगी भजनी मंडळ वाटंगी यांना तृतीय क्रमांकाचे पारितोषिक मिळाले.

तसेच कार्यक्रमाचे निर्माता,दिग्दर्शक मधुकर जाधव यांना उत्कृष्ट भुमिका (भटजी‌) व स्री कलाकार बाळु सुतार यांना‌ उत्कृष्ट स्री कलाकार हे पारितोषिक मिळाले तर शेणगाव ता. भुदरगड येथे घेण्यात आलेल्या भव्य सोंगी भजन स्पर्धेमध्ये श्री माऊली सोंगी भजनी मंडळ, वाटंगी यांना तृतीय क्रमांकाचे पारितोषिक मिळाले.

तसेच कार्यक्रमाचे निर्माता दिग्दर्शक मधुकर जाधव यांना उत्कृष्ट अष्टपैलू पुरुष कलाकार व चंद्रकांत ठाणेकर यांना‌ उत्कृष्ट ढोलकी वादक म्हणून पारितोषिक पटकावले.