कोल्हापूर विभागाचा निकाल ९५.०७ टक्के..

कोल्हापूर प्रतिनिधी :

राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या बारावी परिक्षेचा ऑनलाईन निकाल आज जाहीर झाला. यामध्ये कोल्हापूर विभागाचा निकाल 95.07 टक्के लागला असून राज्याचा एकूण निकाल 94.22 टक्के लागला आहे.

राज्यातील लाखो विद्यार्थ्यांचे डोळे ज्या निकालाकडे लागले होते तो बारावीचा निकाल जाहीर झाला आहे. हा निकाल राज्य माध्यमिक आणि उच्च माध्यमिक मंडळाच्या अधिकृत संकेतस्थळावर दुपारी 1 वाजल्यापासून पाहता येणार आहे. राज्याचा एकूण निकाल 94.22 टक्के लागला आहे. कोकण मंडळाचा निकाल सर्वाधिक 97.21 टक्के लागला आहे. तर मुंबई विभागाचा निकाल सर्वात कमी (90.04 टक्के) आहे. 2020 च्या तुलनेत निकाल 3.56 टक्क्यांनी वाढला आहे. 2021 ला परीक्षा घेण्यात आली नव्हती. यंदाही मुलीच सरस ठरल्या आहेत. 95.35 टक्के विद्यार्थिनी तर 93.29 टक्के विद्यार्थी उत्तीर्ण झाले आहेत. तसेच 24 विषयांचा निकाल 100 टक्के लागला आहे.

विद्यार्थ्यांची आकडेवारी :
– परीक्षा दिलेले विद्यार्थी : 14 लाख 39 हजार 731
– उत्तीर्ण विद्यार्थी : 13 लाख 56 हजार 604
– निकालाची टक्केवारी : 94.22 टक्के