विधान परिषद निवडणूक निमित्ताने राजकारणात संशयकल्लोळ

कोल्हापूर प्रतिनिधी :

विधान परिषद निवडणूक रणांगणात पुन्हा एकदा पालकमंत्री सतेज पाटील आणि महाडिक गट आमने-सामने उभा ठाकला आहे. पालकमंत्री पाटील आणि महाडिक समर्थकांत पाठिंब्यासाठी भेटीगाठीचा- पाठशिवणीचा खेळ रंगला आहे. यानिमित्ताने पक्षीय परिघाबाहेरील भेटीगाठी आणि पाठिंब्याच्या आणा-भाका, बंद खोलीतील खलबते, वाटाघाटीची रंगतदार चर्चा सुरू आहे. कोण कोणाला पाठिंबा देणार, बहु‘मोल’ मत कोणाच्या पारड्यात टाकणार हे गुलदस्त्यात असून राजकीय घडामोडींमुळे मात्र जिल्ह्याच्या राजकारणात संशयकल्लोळ निर्माण झाला आहे.