सदाशिवराव मंडलिक महाविद्यालयात क्रांतीसुर्य महात्मा फुले जयंती साजरी
मुरगूड प्रतिनिधी : विजय मोरबाळे
मुरगुड ता. कागल येथील सदाशिवराव मंडलिक महाविद्यालयात क्रांतीसुर्य महात्मा ज्योतिराव फुले जयंती साजरी करण्यात आली. यावेळी प्रतिमापूजन महाविद्यालयाचे कार्यालयीन अधीक्षक एम.डी. भोई व भूगोल विभागाचे ज्येष्ठ प्राध्यापक दादासाहेब सरदेसाई यांच्या हस्ते करण्यात आले. या कार्यक्रमाच्या अध्यक्षस्थानी माजी ग्रंथपाल प्रा.तानाजी सातपुते होते.
कार्यक्रमाचे स्वागत व प्रास्ताविक संयोजक महाविद्यालयाचे ग्रंथालय परिचर व सामाजिक कार्यकर्ते साताप्पा कांबळे बस्तवडेकर यांनी केले. यावेळी त्यांनी सर्वांच्या वतीने महात्मा फुले जयंतीनिमित्त त्यांना विनम्र अभिवादन केले.
या कार्यक्रमाचे प्रमुख वक्ते इतिहास विभागाचे प्राध्यापक व युवा कीर्तनकार नितेश रायकर यांनी आपल्या मनोगतामध्ये महात्मा फुले यांच्या विषयी बोलताना विद्येचे महत्त्व पटवून दिले व त्यांनी धर्मातील मध्यस्तांची मक्तेदारी अमान्य करत सर्वांना सर्व अधिकार आहे , सर्वजण समान आहेत ही भूमिका मांडताना यांनी संत कबीर व तुकाराम महाराज यांच्या अभगांचे प्रमाण देऊन स्पष्ट केले.
यावेळी ग्रंथालय परिचर संजय भारमल , सदाशिव गिरी बुवा, विद्यार्थी शितल तोडकर, पूजा करडे , पदमा कांबळे, श्रेया कुंभार, वैष्णवी कुंभार, अनुराधा मोहिते, प्रणय कांबळे , मृणाली पाटील, गणेश गुरव, सुशांत मसवेकर, सानिका पाटील, प्रथमेश येरुडकर व मधुरा जाधव यांचेसह विद्यार्थी विद्यार्थिनी मोठ्या संख्येने उपस्थित होते. आभार पर्यावरण शास्त्र विभागाचे प्रमुख प्राध्यापक दयानंद कांबळे यांनी मांडले.
