गडहिंग्लज शहरातील स्कूल बसेस मध्ये सीसीटीव्ही कॅमेरा न बसविणाऱ्या शिक्षण संस्थांवर कारवाई करा : उबाठा गटाचे वतीने शिक्षण अधिकाऱ्यांना निवेदन

गडहिंग्लज प्रतिनिधी : राजेंद्र यादव

गडहिंग्लज शहरातील असणाऱ्या सर्व स्कूल बसेस मध्ये सीसीटीव्ही कॅमेरे न बसविणाऱ्या शिक्षण संस्थांवर कारवाई करण्यात यावी अशी मागणी गडहिंग्लज अवजड वाहतूक सेना ठाकरे गटाचे वतीने गट शिक्षणाधिकारी नवलकुमार हालबागोळ यांच्याकडे निवेदन देऊन करण्यात आली.

दिलेल्या निवेदनात नमूद करण्यात आले आहे की,गडहिंग्लज शहरात अनेक शिक्षण संस्था आहेत तसेच नव्याने अनेक शिक्षण संस्था उभारत आहेत.शिक्षण संस्था चालक विद्यार्थ्यांना अंगणवाडी ते दहावी पर्यंत शिक्षण साठी ने आण करण्यासाठी स्कूल बसेस चा वापर करत असतात. एखादी अनुचित घटना घडली तरच पोलिसांना घडलेल्या घटनेचा पुरावा म्हणून उपयोग व्हावा ,मुलांचे संरक्षण व्हावे तसेच स्कूल बस वाहन चालक वाहक कशा प्रकारे सेवा देतात या अनुषंगाने कोल्हापूर जिल्ह्यातील सर्व स्कूल बसेस न सीसीटीव्ही कॅमेरे बसविण्याचे आदेश परिवहन अधिकारी चंद्रकांत माने यांनी सर्व शिक्षण संस्था चालक यांना दिले आहेत.

त्यामुळे गडहिंग्लज शहर व तालुक्यातील संस्था चालक यांनी आपल्या स्कूल बसेस मध्ये सीसीटीव्ही कॅमेरे बसविण्या बाबत लेखी सूचना द्याव्यात , स्कूल बस मध्ये सीसीटीव्ही कॅमेरे न बसविणाऱ्या शिक्षण संस्था चालकांवर कारवाई करण्यात यावी अशी मागणी या निवेदनाच्या माध्यमातून शिक्षणाधिकारी यांच्या कडे करण्यात आली आहे.

यावेळी तालुका प्रमुख पंकज चौगुले,शहरप्रमुख महेश भोसले,उपशहर प्रमुख कृष्णात कांबळे आदी उपस्थित होते.