नेसरी येथे क्षितीज व भरारी ग्रामसंघाची वार्षिक सर्वसाधारण सभा संपन्न
नेसरी प्रतिनिधी/पुंडलिक सुतार
नेसरी येथे क्षितिज व भरारी ग्रामसंघाची वार्षिक सभा झाली क्रांतीज्योती सावित्रीबाई फुले प्रतिमपूजन व दीप प्रज्वलन मान्यवरांच्या हस्ते झाले.
सभेसाठी तालुका अभियान व्यवस्थापक कक्षाकडुन वरीष्ठ अधिकारी दयानंद पाटील ,प्रभागसमन्वयक महादेव गुरव , बँक ऑफ इंडिया चे नेसरी शाखेचे शाखाधिकारी विनायक लट्टे ,संगोपन हॉस्पिटल चे खानापुरे ,पाटील ,ग्रामपंचायत सदस्य-रुक्सार नुलकर ,शांता सुतार,ज्योती देसाई आणी ग्रामसंघाचे पदाधिकारी,सर्व गटातील सदस्य उपस्थित होते. यावेळी नविन गट बांधणी,ग्रामसंघ इतिवृत्त वाचन, बँक कर्ज , आरोग्याची काळजी,शेतकरी कंपनी,उत्पादक गट,ऑडिट बद्दल मार्गदर्शन सर्व अधिकाऱ्याकडून करण्यात आले.
यानंतर महिलांनी मंगळागौरी खेळून कार्यक्रमाची सांगता केली.यातूनही झाडे लावणे,महिला साक्षरता,लिंग समानता,पोषण आहार,कुपोषणावर मात,पाणी प्रदूषण,व्यसनमुक्त गाव,स्त्री भ्रून हत्या बंद करा असे संदेश देत महिलांनी वेगवेगळे नृत्य सादर केले.अंजुमबानु नुलकर , मोहीनी इंगवले यांनी नीयोजन व प्रास्ताविक केले तर आभार कोषाध्यक्ष भाग्यश्री साखरे यांनी मानले .
