कोल्हापूर: गोकुळ’कडून दूध खरेदी दरात केली ‘इतकी’ दरवाढ
कोल्हापूर प्रतिनिधी :
कोल्हापूर जिल्‍हा सहकारी दूध उत्पादक संघ (गोकुळ)ने म्‍हैस व गाय दूध खरेदी दरात वाढ करण्याचा निर्णय घेतला आहे.
संघाशी सलग्न दूध उत्पादक शेतकऱ्यांना दूध खरेदी दरामध्‍ये १ एप्रिल पासुन ही दरवाढ करण्यात येणार आहे. म्‍हैस व गाय दूध खरेदी दरात दोन रूपये दरवाढ करण्यात आल्याची माहिती गोकुळ दूध संघाचे चेअरमन विश्वास पाटील यांनी दिली.
म्‍हैस दूध खरेदी दरामध्‍ये ६.० फॅट व ९.० एस.एन.एफ करीता दूध खरेदी दर ४१.५० पैसे वरून ४३.५० पैसे इतका होणार आहे. तसेच गाय दूध दरामध्‍ये ३.५ फॅट व ८.५ एस.एन.एफ करीता प्रतिलिटर दोन रूपये इतकी वाढ करणेत आली आहे. त्यामुळे गाय दूध दर २७.०० रूपये वरून २९.०० रूपये इतकी दर वाढ करण्याचा निर्णय संचालक मंडळाच्या मिटिंग मध्ये घेण्यात आला आहे.
याबाबत चेअरमन विश्वास पाटील म्हणाले की, गोकुळ दूध संघाने गुडी पाडव्‍या पुर्वी दूध उत्‍पादकांसाठी दिलासा देणारी दर वाढ केली आहे. तसेच गोकुळने नेहमीच दूध उत्‍पादकांचे हित जोपासण्‍याचा प्रयत्‍न केलाचेही सांगितले.
