निढोरी – कागल राज्यमार्गावर भडगाव फाट्यावर मोटारसायकल धडकेत एकजण ठार तर दोघे गंभीर जखमी

मुरगूड प्रतिनिधी : विजय मोरबाळे

निढोरी – कागल राज्यमार्गावर भडगाव फाट्याजवळ दोन मोटारसायकलींची जोराची धडक झाल्याने एक मोटारसायकलस्वार जागीच ठार झाला, तर दोघे गंभीर जखमी झाले आहेत. या अपघातात कागलचा अनिल संजय गोरडे (वय १९) हा ठार झाला. हा अपघात बुधवारी (दि. २६) रात्री साडेसातच्या सुमारास घडला. बाळूमामा देव दर्शन घेऊन कागलकडे जाताना हा अपघात घडला. या अपघाताची नोंद मुरगूड पोलिसांत झाली आहे.

बुधवार, दि. २६ रोजी रात्री साडेसातच्या सुमारास निढोरी-कागल मार्गावर भडगाव फाट्याजवळ अनिकेत धुळाप्पा जोग व अनिल संजय गोरडे हे दोघे कागलच्या दिशेने निघाले होते. त्याचवेळी पाठीमागून अजित विठ्ठल गावडे हे आपल्या मोटारसायकलने आले व त्यांनी जोराची धडक जोग यांच्या वाहनाला दिली. यावेळी अनिल गोरडे याच्या डोक्याला जबर मार बसल्याने तो जागीच ठार झाला. जखमींना सीपीआर रुग्णालयात दाखल करण्यात आले आहे.