राजू शेट्टी उद्या मेघोली धरणफुटीमुळे नुकसान झालेल्या भागाच्या पाहणी दौऱ्यावर; नुकसानग्रस्त शेतकऱ्यांशी साधणार संवाद

गारगोटी प्रतिनिधी : 

१ स्पटेंबर २०२१ च्या रात्री साडेदहाच्या च्या दरम्यान सारे शांत असताना भुदरगड तालुक्यातील मेघोली चा लघु पाटबंधारे तलाव फुटला आणि या परिसाराला जबर तडाखा बसला. तलावाची गळती वेळेत काढली नसल्याने हा अनर्थ घडल्याचे ग्रामस्थांनी सांगितले.तलावाच्या मुख्य गेटलाच भगदाड पडले व हा अनर्थ घडला. हा प्रकार रात्री घडल्याने मोठी जिवित हानी टळली पण झालेली ही घटना दुर्दैवी असून या परिसरातील शेतकऱ्यांचे मोठे नुकसान करणारी ठरली असल्याचे मत येथील जाणकार नागरिकांनी व्यक्त केले आहे.

याच भागाच्या दौऱ्यावर उद्या स्वाभिमानी शेतकरी संघटनेचे संस्थापक अध्यक्ष माजी खासदार राजू शेट्टी येत आहेत. काही दिवसांपूर्वी राजू शेट्टी यांनी पूरग्रस्त आक्रोश मोर्चा शिरोळ परिसरात काढला होता. उद्या दुपारी ठीक ०२.०० वा. राजू शेट्टी  मेघोली, सोनुर्ली, ममदापूर , तळकरवाडी आणि वेंगरूळ गावाला भेटी देणार असून नुकसान ग्रस्त शेतकऱ्यांशी संवाद साधणार असल्याची माहिती सामाजिक कार्यकर्ते स्वप्निल अशोकराव साळोखे यांनी निकाल न्यूजला दिली.