दिवाळीच्या तोंडावर एसटी कर्मचाऱ्यांनी दिला संपाचा इशारा
कोल्हापूर प्रतिनिधी :
एसटी महामंडळाच्या आर्थिक डबघाईचा फटका सहन करणाऱ्या कर्मचाऱ्यांनी आता संपाचा इशारा दिलाय. महामंडळाचा सरकारी सेवेत समावेश करा अशी मागणी कऱण्यात आलीय. 17 कामगार संघटनांच्या कृती समितीने संपाची हाक देत तारीख लवकरच जाहीर करण्याची माहिती दिली.
एसटी महामंडळ कर्मचाऱ्यांवर अन्याय करत असल्याचा आरोप करत ‘समान काम समान दाम’ या न्यायाने वेतनश्रेणी लागू करावी, या मागणीसाठी एसटी कर्मचाऱ्यांच्या मान्यताप्राप्त संघटनेने विभागीय कार्यालयांवर निदर्शने केली. यानंतरही मागण्या मान्य न झाल्यास राज्यव्यापी संप पुकारण्याचा इशारा संघटनेने दिला होता. त्यानुसार हा संप पुकारण्यात येणार आहे.
तारीख लवकरच जाहीर केली जाईल, अशी माहिती संघटनेने दिली आहे. एसटी महामंडळाने 12 टक्यानंतर आजपर्यंत महागाई भत्त्यामध्ये वाढ झालेली नाही. त्यामुळे दिवाळी पूर्वी थकीत महागाई भत्ता आणि ऑक्टोबर महिन्याचे वेतन देण्याची मागणी महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी मागणी केली आहे.
