महाविकास आघाडीला बदनाम करण्यासाठी भाजपकडून इडीचा गैरवापर : सोम्मयांच्या खोट्या दाव्या चा निषेध ; मुरगूड नगरपालिका मंत्री मुश्रीफांच्या पाठीशी.

मुरगूड:

केंद्रातील सत्तेच्या बळावर ईडी सारख्या संस्थांना हाताशी धरून महाविकास आघाडीच्या कार्यक्षम नेत्यांना टार्गेट करणाऱ्या भाजपच्या पळपुट्या राजकीय कुरघोड्यांचा मुरगूड नगरसेवकानी जाहीर निषेध करत मुश्रीफांचा मागे ठामपणे उभे राहण्याचा निर्धार व्यक्त केला.

ग्राम विकास मंत्री हसन मुश्रीफ यांच्यावर भाजप नेते किरीट सोमय्या यांनी केलेल्या आरोपाच्या निषेधार्थ नगरपालिकेच्या नगरसेवकांनी निषेध बैठक आयोजित केली होती.

महाराष्ट्राचे कर्तुत्ववान मुख्यमंत्री उद्धव ठाकरे यांच्या कुशल नेतृत्वाखालीआणि शरद पवार यांच्या मार्गदर्शनाखालीने महाविकास आघाडी एकसंघ पणे वाटचाल करत आहे. साम-दाम-दंड-भेद या मार्गाचा अवलंब करून भाजपला महाराष्ट्रातील महाआघाडीचे सरकार उलथवून टाकायचे आहे .त्यासाठी महाराष्ट्रातील अनेक कर्तुत्ववान मंत्र्यांना ईडी , सीबीआय चा धाक दाखवून बदनाम करण्याचे कटकारस्थान भाजप सतत रचत आहे.

सामान्य माणूस केंद्रबिंदू मानून पुरोगामी विचाराचा वारसा जपणाऱ्या ग्रामविकास मंत्री हसन मुश्रीफ यांनी गोरगरीबांच्या कल्याणासाठी पंधरा वर्षात विकास कामांचा डोंगर उभा केला आहे. तळागाळातील सर्वसामान्य माणसांसाठी राजकीय हयात खर्च करणाऱ्या मंत्री मुश्रीफ यांना षड्यंत्र करून बदनाम करण्याच्या भाजप च्या राजकीय सुडबुद्धीचा निषेध करण्यात आला.

बैठकीसशिवसेनेचे शहरप्रमुख व नगरसेवक नामदेव मेंडके ,नगराध्यक्ष राजेखान जमादार, उपनगराध्यक्षा सौ रंजना मंडलिक ,नगरसेवक जयसिंगराव भोसले, दलित मित्र दत्ता चौगुले ,माजी नगराध्यक्ष सुखदेव येरुडकर , माजी नगराध्यक्ष पांडुरंग भाट , माजी नगरसेवक शिवाजीराव चौगले , दिपक शिंदेयांच्यासह शिवसेनेचे सर्व आजी माजी नगरसेवक उपस्थित होते.

श्रावणबाळ पुरून उरतील …

आपल्या राजकीय कर्तृत्वाच्या जोरावर महाराष्ट्रात श्रावण बाळ अशी ओळख असणाऱ्या मंत्री मुश्रीफ यांच्या विरोधात भाजपने रचलेले हे कटकारस्थान आहे.मात्र सर्वसामान्य जनता त्यांच्याभोवती अभेद्य कडे निर्माण करून ठामपणे उभी राहीली आहे . त्यामुळे भाजपच्या कुटनितीला यश येणार नाही. विधानसभेच्या निवडणुकीच्या पार्श्वभूमीवर असाच प्रकार यापूर्वी घडला होता . त्या सर्वाला श्रावणबाळ असलेले मंत्री मुश्रीफ पुरून उरले होते.