जुण्या पिढीतील कुस्ती मल्ल आनंदराव लोंढे यांचे निधन
सावरवाडी प्रतिनिधी :
करवीर तालुक्यातील सावरवाडी येथील जूण्या पिढीतील प्रसिद्ध कुस्ती मल्ल व सामाजिक कार्यकर्त आनंदराव गणपतराव लोंढे ( वय ९५ ) यांचे वृध्दापकाळाने निधन झाले . ते खंडोबा सहकारी दुध संस्थेचे संस्थापक होते .
त्यांचा शेतकरी कुंटूबात जन्म झाला होता .जुण्या काळात बालपणापासुन त्यांनी प्राथमिक शिक्षण घेत कुस्ती कलेचा छंद जोपासलेला होता . ग्रामीण भागात विविध गावच्या यात्रातील कुस्त्यांचे फड जिंकले होते . शेती व्यवसायाबरोबर दुग्ध व्यवसायाकडे वळले होते . त्यांनी रेशीम उद्योग, शेळीपालन व्यवसायही उभारले होते . त्यांच्या निधनाने पारंपारिक कुस्ती क्षेत्रात पोकळी निर्माण झाली . कोरोनाच्या पाश्र्वभुमीवर मोजक्याच लोकांच्या उपस्थितीत तुळशी नदीच्या तीरी त्यांच्यावर अत्यंसंस्कार करण्यात आले .
सामाजिक कार्यकर्त किरण लोंढे यांचे ते वडील होत त्यांच्या पश्चात पत्नी, मुलगा, मुलगी सुन नातवंडे असा परिवार आहे . रक्षाविसर्जन रविवारी सकाळी आठ वाजता आहे .
