कोल्हापूरच्या शाही दसरा महोत्सवात देश, विदेशातील नागरिकांनी सहभागी व्हावे : पालकमंत्री हसन मुश्रीफ यांचे आवाहन

प्रतिनिधी : विजय मोरबाळे

कोल्हापूरच्या दसरा महोत्सवाला म्हैसूरच्या दसरा महोत्सवाप्रमाणे ऐतिहासिक महत्त्व आहे. कोल्हापूरचा दसरा महोत्सव जगभरात पोहोचवण्यासाठी राज्य शासन प्रयत्नशील असून यावर्षी पासून दसरा महोत्सव मोठ्या प्रमाणात साजरा करण्यात येत आहे. यानिमित्त नवरात्रोत्सवात दिनांक 15 ते 24 ऑक्टोबर दरम्यान कोल्हापुरात विविध कार्यक्रमांचे आयोजन केले आहे.

जगभरातील नागरिकांनी कोल्हापुरात येवून श्री अंबाबाईचे दर्शन घ्यावे, कोल्हापूरची निसर्गसंपन्न पर्यटन स्थळे पहावी. तसेच राजेशाही थाटात होणारे सीमोल्लंघन व 10 दिवस होणाऱ्या सर्व कार्यक्रमांमध्ये सहभागी होऊन दसऱ्याचा आनंद लुटावा,असे आवाहन वैद्यकीय शिक्षण मंत्री तथा कोल्हापूर जिल्ह्याचे पालकमंत्री हसन मुश्रीफ यांनी केले आहे.