विद्यार्थ्यांना संगणक साक्षर होण्यासाठी राधानगरी, आजरा, भुदरगड तालुक्यातील 262 शाळेला संगणक, प्रिंटर संच देणार : युवराज येडूरे

प्रतिनिधी : विजय मोरबाळे

राधानगरी, आजरा, भुदरगड तालुक्यातील शाळेतील विद्यार्थ्यांना माहिती तंत्रज्ञानाचे धडे गिरविण्यातील अडचण दूर होण्यासाठी. शाळेतील विद्यार्थ्यांची संगणक शिकण्याची इच्छा लक्षात घेवून महा एनजीओ डेव्हलपमेंट असोसिएशनच्या माध्यमातून शाळेला संगणक संच मिळवण्यासाठी पुढाकार घेतला. शाळेत उपलब्ध होणारे संगणक हाताळायला मिळणार, विद्यार्थ्यांच्या आनंदाला पारावार उरला नाही.

महा एनजीओ डेव्हलपमेंट असोसिएशन ऑफ इंडिया द्वारे राबविण्यात येत असलेला ‘एक हात मदतीचा’ सीएसआर सहभागावर आधारित एक अनोखा उपक्रम हाती घेण्यात आला आहे. प्रत्येक गरज पूर्ण करण्यासाठी शासन आणि प्रशासनावर अवलंबून राहण्यापेक्षा सी.एस.आर कंपनी व लोकसहभागातून शक्य त्या गरजा पूर्ण करून शाळेतील विद्यार्थ्यांच्या अडचणी दूर करणे हा या उपक्रमाचा मुख्य हेतू आहे. याच उपक्रमांतर्गत शाळेतील विद्यार्थ्यांची संगणकाची गरज सी एस आर फंडाच्या माध्यमातून पूर्ण करण्यात येणार आहे.

सध्याचे युग माहिती तंत्रज्ञानाचे असून सर्वच ठिकाणी संगणकाचा उपयोग होत आहे. डिजिटल इंडियाच्या स्वप्नपूर्तीसाठी शालेय स्तरावरच विद्यार्थ्यांना संगणक हाताळण्याचे कौशल्य प्राप्त झाले पाहिजे. राधानगरी, आजरा, भुदरगड तालुक्यातील शाळेत संगणकाची प्राथमिक गरजच अपूर्ण होती. डिजिटल इंडियाच्या स्वप्नपूर्तीसाठी आम्ही महा एनजीओ डेव्हलपमेंट असोसिएशनने सीएसआर फंडच्या माध्यमातून खारीचा वाटा सामाजिक कामातून उचलत आहोत असे मत युवराज येडूरे यांनी मांडले.