मुरगूडात विक्रमसिंह घाटगे जयंतीनिमित्त चित्रकला स्पर्धा ; मुरगुड केंद्रात विद्यार्थ्यांची विक्रमी गर्दी

मुरगूड प्रतिनिधी : विजय मोरबाळे

शाहू ग्रुपचे संस्थापक अध्यक्ष स्व. राजे विक्रमसिंह घाटगे यांच्या जयंतीनिमित्त मुरगूड केंद्रात भरवण्यात आलेल्या चित्रकला स्पर्धेत 1645 विद्यार्थ्यांनी आपले भावविश्व कागदावर रेखाटले.

मुरगूड येथील मुरगुड विद्यालय ज्युनियर कॉलेजमध्ये या स्पर्धा उत्साहात पार पडल्या. स्पर्धेचे उद्घाटन शाहु साखर कारखाना संचालक डॉ डी एस पाटील यांच्या हस्ते झाले. शाहू महाराज पुतळा पूजन व स्व. राजेसाहेब यांच्या प्रतिमेचे आणि सरस्वतीचे पूजन मान्यवरांच्या हस्ते झाले. स्वागत व प्रास्ताविक शाहू कारखान्याचे शेती अधिकारी दिलीप जाधव यांनी केले.

यावेळी बोलताना शाहू कारखाना संचालक डी एस पाटील म्हणाले, राजे विक्रमसिंह घाटगे यांनी कार्यकर्त्यांच्या जीवनात सकारात्मक दृष्टिकोन निर्माण करण्याचे काम केले. एखादी गोष्ट करत असताना राजे चोहोबाजूने विचार करत असत. शाहू कारखान्याच्या माध्यमातून स्व. विक्रमसिंह घाटगेंनी राज्याला सहकारात आदर्श देण्याचा प्रयत्न केला. त्यांच्या शिस्तीच्या पालनाची आजही समाजाला नितांत गरज आहे. त्यांनी सहकारात असो अथवा राजकारणात आपली तत्त्व सोडले नाही.

प्राचार्य एस.पी.पाटील म्हणाले, स्व. राजे विक्रमसिंहजी घाटगे हे सहकार कृषी,कला क्रीडा सांस्कृतिक शैक्षणिक अशा सर्वच क्षेत्रात अभ्यासू व जाणते नेतृत्व होते. याप्रसंगी राजे बॅंक संचालक दतामामा खराडे, शिवानंद माळी यांची भाषणे झाली.

या कार्यक्रमासाठी शाहु कृषी चेअरमन अनंत फर्नांडिस, राजे बँक संचालक अमर चौगुले, संभाजी फराकटे, रामभाऊ खराडे, शाहू माजी संचालक पि.डी चौगले, ऊस विकास अधिकारी सुजय पाटील, ए डी पाटील, प्रवीण चौगुले, सुहास मोरे, प्रकाश देसाई आदी उपस्थीत होते.

स्पर्धा यशस्वी करण्यासाठी सेक्रेटरी विष्णू जत्राटे, शेती अधिकारी डी बी जाधव, रॉबर्ट फर्नांडिस, सुधाकर जाधव, सागर आंगज, प्रमोद खराडे, विष्णू मोरबाळे, जयवंत पाटील, दत्ता जालीमसर, अविनाश भराडे, उदय पाटील, विनोद निकम, आप्पासाहेब रेपे, धोंडीराम कांबळे यासह शाहू ग्रुप चे पदाधिकारी व कर्मचारी यांनी परिश्रम घेतले. सुत्रसंचालन अनिल पाटील तर आभार दगडू शेणवी यांनी मानले.