पन्हाळा : साळवाडी येथे दोन गटात जोरदार हाणामारी ; परस्पर विरोधी गुन्हे दाखल

कळे -वार्ताहर अनिल सुतार

साळवाडी ता. पन्हाळा येथे दोन गटात एकमेकांच्या घरात जाऊन केलेल्या मारहाण प्रकरणी कळे पोलीस ठाण्यात परस्पर विरोधी वीस जणांवर गुन्हे दाखल झाले आहेत.

पोलिसांतून मिळालेल्या माहितीनुसार, येथील संदीप अशोक सुतार यांच्या घरातील सर्व जेवण करत असताना त्यांच्या घराच्या खिडकीची काच फुटल्याचा आवाज आल्याने त्यांचे वडील काय झाले हे पाहण्यासाठी गेले असता आरोपींनी त्यांच्या घरात घुसून सर्व घरच्यांना विनाकारण मारहाण केली.

व दारात लावलेल्या मोटरसायकलचे नुकसान केले यामध्ये दीड तोळ्याची चेन गहाळ झाल्याची फिर्याद संदीप अशोक सुतार वय 33 रा. साळवाडी यांनी कळे पोलीस ठाण्यात दिली असून १)भगवान म्हामुलकर २) रोहित म्हामुलकर३) राकेश म्हामुलकर४) प्रथमेश म्हामुलकर ५)आदर्श चव्हाण६) स्वप्निल घाटबांदे ७)अक्षय म्हामुलकर ८)निखिल चव्हाण९) रोहित घाटबांदे १०)सुरज चव्हाण सर्व रा. साळवाडी यांच्यावर कळे पोलीस ठाण्यात गुन्हा दाखल झाला आहे.

तर दुसरीकडे फिर्यादी अक्षय म्हामुलकर हे आपल्या शेतातील पाण्याची मोटार बंद करून घरी जात असताना आरोपींनी त्यांना, त्यांच्या भाच्याला लाथाबुक्क्यांनी व आईस काठीने मारहाण करत सरपंच भगवान गुंडा म्हामुलकर यांच्या घरावर दगडफेक करून खिडक्यांच्या काचा फोडून नुकसान केले .

व घरातील महिलांना शिवीगाळ करत जीवे मारण्याची धमकी दिल्याप्रकरणी फिर्यादी अक्षय बळवंत म्हामुलकर वय 23 रा. साळवाडी यांनी दिलेल्या फिर्यादीनुसार १) युवराज गणपती सुतार २)अतुल युवराज सुतार ३)विजय युवराज सुतार ४) संदीप अशोक सुतार ५) संजय सिताराम सुतार ६)वाजाली संजय सुतार ७)अशोक यशवंत सुतार ८)पारस भगवान सुतार ९) उत्तम सुभाष सुतार १०) वैभव विश्वास सुतार सर्व रा. साळवाडी

यांच्यावर कळे पोलीस ठाण्यात गुन्हा दाखल झाला आहे. दोन्ही बाजूकडील आरोपींकडून काठी, दगड ,सॅंडल यांचा वापर झाला असून विविध कलमांतर्गत गुन्हे दाखल झाले आहेत. पुढील तपास पोलीस.हेड.कॉन्स्टेबल माळवदे व पोलीस.हेड.कॉन्स्टेबल होळी करत आहेत.