नागरदळेत दुर्गामातेची प्रतिष्ठापना

चंदगड प्रतिनिधी : पुंडलिक सुतार

नागरदळे (ता.चंदगड) येथे जय दुर्गामाता युवक मंडळ, आयोजित नवरात्र उत्सवाला सुरुवात झाली आहे. नागनाथ भजनी मंडळमार्फत भजन लावून बैलगाडीने देवीची मिरवणुक काढण्यात आली. यावेळी सर्व भाविक भक्तांनी दुर्गामातेचे दर्शन घेतले.

माणगाव (ता.चंदगड) येथील मूर्तिकार श्री. पुन्नापा सुतार यांचेकडुन मूर्ति कोवाड मार्गे नागरदळे येथे आणण्यात आली. त्यानंतर मंडळाचे माजी अध्यक्ष, विद्यमान सरपंच श्री. दिलीप मारुती पाटिल यांच्या हस्ते पूजा करुन राम कृष्ण हरी च्या गजरात मिरवणूकीला सुरुवात झाली. नागरदळे बस स्टैंड पासून, मठ्ठ गल्ली, मारुती गल्ली ते विठ्ठल रुक्मिणी मंदिर पर्यंत मिरवणुक काढण्यात आली.

तसेच नवरात्र मधे नऊ दिवस शासनाचे नियम पाळून मंडळाकडून समाज प्रभोधनपर व्याख्यान, हळदी- कुंकू, सेवानिवृत्त सत्कार समारंभ असे कार्यक्रम आयोजित करण्यात आले आहेत. तरी सर्व भाविक भक्तांनी उत्सवाचा लाभ घ्यावा असे आवाहन मंडळाचे अध्यक्ष श्री. सुबराव पाटिल यांनी केले आहे.