कारागृहात कैद्यांना ड्रग्ज तस्करी केल्याप्रकरणी पोलीस हवालदाराला अटक

पुण्याच्या येरवडा मध्यवर्ती कारागृहानंतर आता मुंबईतील आर्थर रोड कारागृह चर्चेत आले आहे. आर्थर रोड मध्यवर्ती कारागृहातील एका पोलीस हवालदाराला कारागृहात कैद्यांना ड्रग्ज तस्करी केल्या प्रकरणी अटक करण्यात आलीये. विवेक नाईक असं या पोलीस हवालदाराच नाव असल्याची माहिती देण्यात आली आहे. सूत्रांनी दिलेल्या माहितीनुसार, विवेक नाईक याला कारागृहात 71 ग्रॅम चरसची तस्करी करताना पकडण्यात आले.

काही दिवसांपूर्वी पुण्याच्या येरवडा कारागृहात अंमली पदार्थांची तस्करी होत असल्याची माहिती समोर आली होती. दरम्यान आता मुंबईतील आर्थर रोड कारागृहात देखील अंमली पदार्थांची तस्करी होत असल्याचं समोर आलंय. पण यामध्ये पोलीस अधिकाऱ्याचा समावेश असल्याचा धक्कादायक बाब देखील उघडकीस आलीये. या पोलीस हवालदाराविरोधात एन.एम जोशी पोलिस ठाण्यात गुन्हा नोंदवण्यात आलाय. एनडीपीएस कायद्याच्या संबंधित कलमान्वये या हवलदारावर गुन्हा दाखल करण्यात आलाय.

नेमकं प्रकरण काय ?

पोलीस हवालदार नाईक याला आर्थर रोड कारागृहाच्या चकिंग गेटवर पकडण्यात आले. त्यावेळी त्याने चरसच्या कॅप्सूल पॅक करुन त्याच्या अंतर्वस्त्रांमध्ये लपवून ठेवल्या होत्या. त्याच्याकडून सुमारे आठ कॅप्सूल सापडले. या कॅप्सूल आरोपी नाईकला हे ड्रग्ज राहुल नावाच्या कैद्याने होते. तर हे कॅप्सून त्याने नाईक याला अतिसुरक्षा सर्कल 02 मधील आरोपी राशीद याला देण्यासाठी सांंगितले होते. पण त्याचवेळी त्याला कारागृहातील पोलीस अधिकाऱ्यांनी पकडले आणि त्याला अटक केली. त्यावेळी हवालदार नाईक याने त्याला तपासणाऱ्या पोलीस हवालदाराच्या हाताचा चावा घेतला. त्यानंतर पळून जाण्याचा प्रयत्न केला. पण मुख्य गेटवर असणाऱ्या पोलीस अधिकाऱ्यांनी त्याला पकडले.