सडोली खालसा येथे गांधी जयंती विविध उपक्रमाने साजरी
सावरवाडी प्रतिनिधी :
करवीर तालुक्यातील सडोली खालसा येथील ग्रामपंचायती च्या वतीने गांधी जयंती विविध उपक्रमांनी साजरी करण्यात आली.
प्रारंभी सरपंच अमित पाटील यांच्या हस्ते महात्मा गांधी यांच्या प्रतिमेचे पूजन तर उपसरपंच सौ तेजस्विनी पाटील यांच्या हस्ते लालबहादूर शास्त्री यांच्या प्रतिमेचे पूजन झाले.
या कार्यक्रमानंतर बाजार परिसर, ग्रामपंचायत परिसर , बाजार पेठ व मंदिर परिसराची सफाई सर्व सदस्यांनी व ग्रामपंचायत शिपायांनी केली.पिण्याच्या स्वच्छ पाण्याचा पुरवठा, गटर्स सफाई, व आरोग्याच्या सर्व सुविधा सर्वांच्या सहकार्यातून देण्यास कटीबद्द असल्याचे ग्रामसेवक पी एम भोपळे यांनी सांगितले.यावेळी स्वच्छता ही सेवा योजनेअंतर्गत सुरू असलेल्या विविध उपक्रमांचा आढावा यावेळी घेण्यात आला.
जयसिंग कुंभार यांनी सर्वाना स्वच्छतेची व आरोग्यमय जीवनाची शपथ दिली.यावेळी म. गांधी व्यसनमुक्ती पुरस्कार प्राप्त अध्यापक श्री एकनाथ कुंभार यांनी म. गांधी यांच्या जीवनातील समाजोपयोगी घटना विशद केल्या व व्यसनमुक्त समाज घडवण्यामध्ये सहकार्य करण्याचे आवाहन केले.अद्यापक धनाजी कुंभार यांनी लालबहादूर शास्त्रींचा संघर्षमय जीवनपट सांगितला.
सदर उपक्रम यशस्वी होण्यासाठी संजय पाटील,सुवर्णा पाटील, संगीता मगदूम, शैला कांबळे, ज्योती पाटील,बाजीराव दिंडे, शोभा कुंभार, सुनील कांबळे,सुनीता कुंभार यांनी विशेष प्रयत्न केले.
उपस्थितांचे स्वागत सदस्य सागर चव्हाण यांनी तर आभार विशाल गायकवाड यांनी मानले.
