श्री देव वैजनाथ शिक्षक पतसंस्थेचा समाजाला अभिमान वाटावा असे पारदर्शी कार्य : आमदार राजेश पाटील

चंदगड प्रतिनिधी : पुंडलिक सुतार

श्री देव वैजनाथ शिक्षक पतसंस्थेच्या पाटणे फाटा तालुका चंदगड येथे संपन्न झालेल्या गुणगौरव सोहळ्याच्या अध्यक्षस्थानावरून बोलताना आमदार राजेश पाटील यांनी तालुक्यात अनेक संस्था स्थापन झाल्या पण सलग पाच वर्षे १४ टक्के लाभांश वाटत ३५ लाखांपर्यंत एका कर्जदाराला कर्ज उपलब्ध करून देत ८ कोटींच्या ठेवी व तितकेच कर्ज वितरण करत नावलौकिक मिळवून समाजाला अभिमान वाटावा असे पारदर्शी कार्य संस्थेच्या माध्यमातून शिक्षक संघ परिवार चंदगड यांनी केले आहे असे गौरवोद्गार काढले शिक्षक बॅकेचे संचालक व पतसंस्थेचे संस्थापक शिवाजी पाटील सर अध्यक्ष रमेश हुद्दार सर नेते वसंत जोशिलकर सर सरचिटणीस दस्तगीर उस्ताद सर विद्यमान चेअरमन भरमु तारिहाळकर सर व्हाईस चेअरमन अनंत मोटर सर व सर्व संचालक मंडळाचे कौतुक केले.

प्रास्ताविक विद्यमान चेअरमन भरमु तारिहाळकर सर यांनी कार्यक्रमाचा उद्देश व संस्थेच्या प्रगतीचा आलेख उंचावत चालल्याचे सांगितले स्वागतपर भाषणात संस्थापक शिवाजी पाटील सर यांनी संस्थेची स्थापना करण्यामागे शिक्षक संघाची प्रतिष्ठा वाढवणे शिक्षकांचा सन्मान जोपासणे शिक्षकांना आर्थिक पाठबळ देत त्यांची स्वप्न पूर्ण करण्याचे कार्य सक्षमपणे संस्था करत असल्याचे सांगितले.

राज्याध्यक्ष राजाराम वरुटे सर यांनी राज्यस्तरापासून तालुका स्तरापर्यंत कामाच्या माध्यमातून शिक्षक संघ सामान्य शिक्षकांपर्यंत पोहोचलेला आहे रुजलेला आहे. जुनी पेन्शन योजना शिक्षकांना लागू होण्यासाठी आपण आग्रही असल्याचे सांगितले चंदगड तालुका शिक्षक संघाचा बालेकिल्ला असून कार्यकारिणीच्या कामामुळे मजबूत बांधणीमुळे शिक्षक संघ स्वबळावर कोल्हापूर जिल्हा प्राथमिक शिक्षक बँक निवडणूक जिंकणार असल्याचे सांगितले.

यावेळी सेवानिवृत्त प्राथमिक शिक्षक जिल्हा परिषद कोल्हापूर आदर्श शिक्षक पुरस्कार प्राप्त सभासद विविध फाउंडेशन मार्फत पुरस्कार प्राप्त शिक्षक याच बरोबर पारगड प्राथमिक शिक्षक पतसंस्थेकडे निवड झालेल्या नूतन संचालकांचा भव्य सत्कार आमदार राजेश दादा पाटील व उपस्थित मान्यवरांच्या हस्ते करण्यात आला.

शिक्षक पतसंस्था सभासद कुटुंबाच्या पाठीमागे खंबीरपणे उभी रहात कोरोनामुळे दिवंगत झालेल्या संस्थेचे सभासद कै.राजेंद्र तुपे व कै.विठोबा पाटील यांच्या कुटुंबीयांना मदत म्हणून प्रत्येकी २५ हजार रुपये संस्थेमार्फत देण्यात आले.

इयत्ता पाचवी इयत्ता आठवी शिष्यवृत्ती परीक्षा शिष्यवृत्तीधारक विद्यार्थी इयत्ता पाचवी नवोदय विद्यालय निवड विद्यार्थी इयत्ता चौथी व सातवी प्रज्ञाशोध परीक्षेत यशस्वी विद्यार्थी इयत्ता दहावी बारावी परीक्षेत यशस्वी सभासदांच्या पाल्यांचा व मार्गदर्शक शिक्षकांचा सत्कार उपस्थित मान्यवरांच्या हस्ते करण्यात आला यावेळी जिल्हाध्यक्ष संभाजी बापट सर प्राथमिक शिक्षक बँकेचे चेअरमन अण्णासो शिरगावे सर वसंत जोशिलकर सर शामराव पाटील सर यांची मनोगते झाली कार्यक्रमासाठी शिक्षक बँकेचे व्हाईस चेअरमन बाजीराव कांबळे सर माजी चेअरमन बजरंग लगारे सर प्रशांत पोतदार सर साहेब शेख सर गडहिग्लज तालुका अध्यक्ष मांडेकर सर पाथरवट सर सेवानिवृत्त शिक्षक संघाचे अध्यक्ष शि. ल. होनगेकर सर दस्तगीर उस्ताद सर जिल्हा उपाध्यक्ष टी जे पाटील सर सदानंद पाटील सर पदवीधर अध्यक्ष अशोक नौकुडकर सर सरचिटणीस अशोक भोईटे सर डी सी पी एस संघटनेचे कार्याध्यक्ष बाळाराम नाईक सर विमुक्त शिक्षक संघाचे अध्यक्ष शिवाजी चाळुचे सर मुख्याध्यापक संघटनेचे रामचंद्र मोटूरे सर व श्री देव वैजनाथ शिक्षक पतसंस्थेचे सर्व संचालक मंडळ व सल्लागार मंडळ याच बरोबर गुणवंत विद्यार्थी व सभासद बहुसंख्येने उपस्थित होते.

कार्यक्रम यशस्वी करण्यासाठी पतसंस्था कर्मचारी व सभासद यांनी परिश्रम घेतले सूत्रसंचालन सट्टू फडके सर व संजय गावडे सरांनी केले तर व्हाईस चेअरमन अनंत मोटर सर यांनी आभार मानले.