कुडूत्रीतील शिवतेज मंडळाकडून बाप्पाचे शांततेत विसर्जन.
कुडूत्री प्रतिनिधी :
कोरोना प्राश्वभूमीवर कोणताही गाजावाजा न करता व गावात मिरवणूक न काढता कुडूत्री (ता. राधानगरी) शिवतेज मंडळाकडून साध्या पध्दतीने अगदी मोजक्याच कार्यकर्त्यांच्या उपस्थितीत विसर्जन करण्यात आले.”गणपती बाप्पा मोरया,पुढच्या वर्षी लवकर या” या जयघोषात विसर्जन करण्यात आले.
आणि कोरोना संकट टळूदे अशी प्रार्थना देखील गणरायाच्या चरणी सर्व भक्तांकडून कार्यकर्त्यांकडून करण्यात आली.
दरवर्षी शिवतेज मंडळाकडून मोठया दिमाखात साजरा होणारा गणेशोत्सव गेले दोन वर्षे प्रशासनाचे नियम पाळत साजरा केलेला आहे.तसेच दरवर्षी होणारे समाजप्रबोधनपर कार्यक्रम देखील रद्द करण्यात आले.अगदी साध्या गाड्यातून बाप्पाचे भोगावती नदीत विसर्जन करण्यात आले.या वेळी मोजक्या कार्यकर्त्यांनी हजेरी लावली व गणरायाला निरोप दिला. या वेळी अद्यक्ष,उपाद्यक्ष सचिव,खजानिस यांच्यासह सल्लागार कमिटी व सदस्य उपस्थित होते.
