मानवतावादी भुमिका ठेवून पुरग्रस्तांना मदत करा : भुदरगड चे पोलीस निरिक्षक संजय मोरे
गारगोटी प्रतिनिधी :
पुरग्रस्त बांधव हे आपलेच आहेत.त्यामूळे मानवतावादी भुमिका ठेवून या पुरग्रस्तांना जीवनावश्यक वस्तूंची मदत करा असे आव्हाहन भुदरगड पोलीस स्टेशनचे पोलीस निरिक्षक संजय मोरे यांनी केले.
ते कोनवडे (ता भुदरगड )येथील पूरग्रस्त बांधवांना भुदरगड पोलीस स्टेशनच्या वतीने जीवनावश्यक वस्तूंच्या मदत वाटप प्रसंगी बोलत होते.सरपंच राणी समाधान पाटील या कार्यक्रमाच्या प्रमुख उपस्थीत होत्या.कोनवडे गावाबरोबरच कूर येथीही पुरग्रस्त बांधवांना ही मदत या पोलीस यंत्रणेने दिली.यावेळी या कूर गावातील पदाधिकारी व ग्रामस्थ व पुरग्रस्त यांनीही या भुदरगड पोलीस स्टेशनचे आभार मानले.
यावेळी बोलताना भुदरगड तालुका शेतकरी संघाचे संचालक प्रा एच आर पाटील म्हणाले की, भुदरगड पोलीस स्टेशनने पोलीस निरिक्षक संजय मोरे यांच्या मार्गदर्शनाखाली जी काही मदत येथील पुरग्रस्तांना दिली त्या मदतीचे मुल्यमापऩ करता येणार नाही इतकी ती मोठी आहे. जनतेला कायद्याची भाषा शिकवणाऱ्या पोलीसांनाही जनतेबध्दलचा कळवळा असतो हे या प्रसंगातून कळून आले.यावेळी सरपंच राणी पाटील यांनी पोलीस पदाधिकाऱ्यांचे व त्यांच्यासोबत आलेल्या सर्व सेवकांचे गावच्या वतीने आभार मानले.
यावेळी सहाय्यक पोलीस निरिक्षक सतीश मयेकर, अमित देशमुख, पोलीस अंमलदार दत्तात्रय शिंदे सतिश पाटील, दिगंबर बसरकर,टी.एस. सुर्यवंशी, गावचे उपसरपंच सुभाष पाटील, माजी सरपंच पांडुरंग पाटील, आनंदराव व्यकोजी पाटील, पांडुरंग चव्हाण दयानंद सुतार, रवि पाटील आदि मांन्यवर उपस्थीत होते.
