कोगे येथे आडसाली ऊस नोंदीसाठी शेतकऱ्यांची झुंबड
सावरवाडी प्रतिनिधी :
करवीर तालुक्यातील कोगे येथील कुंभी कासारी साखर कारखाण्याच्या शेती विभागीय कार्यालयात आडसाली ऊस लागणी नोंदीसाठी शेतकऱ्यांची एकच झुंबड उडाली होती . ऊस लागणी नोंदीसाठी मात्र सोशल डिस्टंसिंगचा फज्जा उडाला होता.
ऊस लागणी नोंद होण्यासाठी सकाळपासुनच शेतकऱ्यांनी गर्दी केली होती कोगे येथील शेती कार्यालयात नियोजनाचा अभाव आढळून आला . कोरोना नियम न पाळता सभासद नोंद करण्यासाठी गर्दी करून उभारले होते. तसेच रांगेमध्ये सामाजिक अंतर न राखता सभासद उभे होते .तसेच नोंद घेण्याच्या रांगेमध्ये अनेकदा वादावादी प्रकर घडत होते.
आडसाली उसाची नोंद करण्यासाठी कोगे परिसरात जुलैच्या शेवटच्या आठवड्यात मोठ्या प्रमाणात आडसाली उसाची लागण केली जाते व कारखान्याच्या नियमाप्रमाणे एक तारखेला नोंद केली जाते. अनेक सभासद काहीवेळा बोगस नोंदी देतात अशाही तक्रारी झाल्या आहेत.
