सामाजिक सुरक्षा सुविधा केंद्र कागल यांच्यावतीने बालपंचायत सोबत योजनादुत कार्यशाळा उत्साहात

कागल प्रतिनिधी : विजय मोरबाळे

कागल येथे २०२१ पासून डॉ.आंबेडकर शेती विकास व संशोधन संस्था , युवा व युनिसेफ यांच्यामार्फत सामाजिक सुरक्षा सुविधा केंद्र कार्यरत आहे. या अंतर्गत विविध शासकीय योजनांची माहिती वंचित घटकांपर्यंत पोहचविने व त्यांना लाभ मिळवून देण्याचे काम संस्था करत आहे.

त्याचाच एक भाग म्हणून कागल तालुक्यातील भडगांव व आसपासच्या गावातून बालपंचायत मधील बालसरपंच व बालउपसरपंच यांना आज सर्व शासकीय योजनांची सविस्तर माहिती देण्यात आली.मुलांना आत्तापासूनच शासकीय विभागांची माहिती व्हावी व जागरूकता यावी हा या कार्यशाळेचा उद्देश होता.

यामधे योजना कोणती? पात्रता काय ? कागदपत्रे कोणती जोडावी ? कोणत्या विभागाला भेट द्यावी ? लाभ काय ? या प्रश्नांवर चर्चासत्र घेण्यात आले .यावेळी भडगावचे सरपंच बी . एम.पाटील व माजी सरपंच दिलीप चौगुले तसेच मुख्याध्यापक दाभोळे सर हे या कार्यशाळेस उपस्थित होते.तसेच आसपासच्या गावातील बालपंचायत सदस्य यांनी उत्साहात कार्यशाळेत सहभाग दर्शविला .

यावेळी डॉ.आंबेडकर शेती विकास व संशोधन संस्थेचे कार्यकर्ते अमोल कदम, निता आवळे व रविना माने उपस्थित होते.या कार्यशाळेत आलेल्या सर्वांनीच कामाप्रती सकारात्मक प्रतिसाद दिला व आपले विचार व्यक्त केले. भडगांव चे सरपंच व योजनादुत दिलीप चौगुले यांनीही आलेल्या मुलांना योजनांसंदर्भात मार्गदर्शन केले.