ताज्या बातम्यामहाराष्ट्र

10 हजार रुपये लाच घेताना सरपंच अँन्टी करप्शनच्या जाळ्यात

महात्मा गांधी राष्ट्रीय ग्रामीण रोजगार हमी योजने अंतर्गत वैयक्तिक सिंचन विहीरीचे कामगार लावून केलेल्या कामांच्या मजुरांच्या जॉबकार्डवर सही करणे करिता 10 हजार रुपये लाच स्वीकारताना उमरखेड तालुक्यातील कोपरा खुर्द ग्रामपंचायतच्या संरपंचाला लाचलुचपत प्रतिबंधक विभागाने सापळा रचून रंगेहाथ पकडले. सुनील शंकर वाघमारे (वय-38 रा. कोपरा खुर्द) असे लाच घेताना पकडण्यात आलेल्या सरपंचाचे नाव आहे. एसीबीच्या पथकाने ही कारवाई बुधवारी (दि.19) ढानकी ते उमरखेड रोडवरील श्री रविचन्द्र गादिया यांचे लेआऊट मधील मोकळी जागेत केली.

याबाबत कोपरा खुर्द येथील 29 वर्षीय व्यक्तीने यवतमाळ एसीबीकडे सोमवारी (दि.17) लेखी तक्रार केली होती. तक्रारदार यांचे आईच्या नावाने महात्मा गांधी राष्ट्रीय ग्रामीण रोजगार हमी योजने अंतर्गत वैक्तिक सिंचन विहीर मंजुर झाली आहे. या विहिरीचे कामगार लावून केलेल्या कामांच्या मजुरांच्या जॉबकार्डवर सही करणे करिता सरपंच सुनील वाघमारे यांनी दहा रुपये लाचेची मागणी केली. याबाबत तक्रारदार यांनी लेखी तक्रार केली होती.

यवतमाळ एसीबीच्या पथकाने बुधवारी पडताळणी केली असता सरपंच सुनील वाघमारे यांनी स्वत:करीता दहा हजार रुपये लाचेची मागणी करुन लाच स्वीकारण्याचे मान्य केले. पथकाने सापळा रचून सरपंच सुनील वाघमारे याला तक्रारदार यांच्याकडून लाच घेताना रंगेहाथ पकडले.वाघमारे यांच्यावर बिटरगाव पोलीस ठाण्यात गुन्हा दाखल करण्यात आला आहे.

ही कारवाई अमरावती परिक्षेत्राचे पोलीस अधीक्षक मारुती जगताप,अपर पोलीस अधीक्षक देविदास घेवारे ,यवतमाळ एसीबीचे पोलीस उपअधीक्षक उत्तम नामवाडे यांच्या मार्गदर्शनाखाली पोलीस निरीक्षक विनायक कारेगावकर ,पोलीस निरीक्षक अमित वानखेडे पोलीस अमंलदार सचिन भोयर, महेश वाकोडे,
अब्दुल वसीम, भागवत पाटील आणि चालक श्रेणी पोलीस उपनिरीक्षक संजय कांबळे यांच्या पथकाने केली.

संबंधित लेख

Back to top button
error: Content is protected !!
Enable Notifications OK No thanks