हातकणंगले : पुलाची शिरोलीत विद्यार्थ्यांची आत्महत्या

शिरोली प्रतिनिधी :

शिरोली एमआयडीसी पुलाची शिरोली (ता. हातकणंगले) येथे आर्यन हेरंब बुडकर (वय 16) या विद्यार्थ्याने राहत्या घरी गळफास घेऊन आत्महत्या केली. तो शिरोली येथील एका स्कूलमध्ये इयत्ता नववीत शिकत होता.

दरम्यान, सीपीआरमध्ये शवविच्छेदन करण्यात आले. त्यानंतर संबंधित शाळेवर गुन्हा दाखल केल्याशिवाय आर्यनचा मृतदेह ताब्यात न घेण्याची भूमिका नातेवाईक व ग्रामस्थांनी घेतली. त्यामुळे गावात व सीपीआरच्या आवारात तणावपूर्ण वातावरण निर्माण झाले होते. पोलिसांनी ग्रामस्थ व नातेवाईकांची समजूत घालण्याचा प्रयत्न केला. मात्र, नातेवाईक व ग्रामस्थ आपल्या भूमिकेवर ठाम राहिले.

आर्यन हा बुडकर कुटुंबाचा तो एकुलता एक मुलगा होता. त्याच्या आत्महत्येचे कारण अद्याप समजलेले नाही. या घटनेची नोंद शिरोली पोलिसांत झाली असून सहायक पोलिस निरीक्षक सागर पाटील तपास करीत आहेत